შიდა ქართლში ვაშლის სუბსიდიამ 3 მილიონ ლარს გადააჭარბა. როგორც პრემიერ-მინისტრმა ირაკლი ღარიბაშვილმა გორში პროექტის ,,ძლიერი რეგიონი - ძლიერი საქართველოსთვის“ წარდგენისას განაცხადა, შიდა ქართლი ვაშლის მხარეა და მთავრობა ხელს უწყობს ფერმერებს არასტანდარტული ვაშლის რეალიზაციაში.
”ჩვენ პირველად განვახორციელეთ ვაშლის სუბსიდირების ამგვარი პროგრამა, რომლის ფარგლებში ფერმერებმა 43 ათასი ტონა არასტანდარტული ვაშლი ჩააბარეს და მიიღეს 4 მილიონ 355 ათასი ლარის შემოსავალი. აქედან სუბსიდიამ 3 მილიონ ლარს გადააჭარბა. სწორედ ეს არის სახელმწიფოს მხრიდან გლეხების რეალური მხარდაჭერა და არა ის, რასაც ვხედავდით ქართულ სოფლებში წლების განმავლობაში”, განმარტა ირაკლი ღარიბაშვილმა.
