სუპერმარკეტების ქსელი „სმარტი“სოციალური საწარმოების სააღდგომო გამოფენა-გაყიდვას მასპინძლობს და შესაძლებლობას აძლევს ერთგულ მომხმარებელს წვლილი შეიტანოს სოციალური მეწარმეობისა განვითარებასა და შეზღუდული შესაძლებლობების მქონე ადამიანების, სოციალურად დაუცველი ჯგუფების, დევნილების და იმ პირების თანადგომაში განსაკუთრებულ ზრუნვას რომ საჭიროებენ.
“სმარტისათვის“ ქართული წარმოების წახალისება დასაზოგადოებაზე ზრუნვა კორპორაციული სოციალური პასუხისმგებლობის სტრატეგიის მნიშვნელოვანი მიმართულებებია. შესაბამისად, საქართველოში მოქმედი სოციალური საწარმოების გამოფენა-გაყიდვა არა მხოლოდ ჩვენი მცდელობაა საზოგადოების ცნობადობა ავამაღლოთ სოციალური მეწარმეობისა და მინი მნიშვნელობის შესახებ, არამედ შესაძლებლობაა ფართო საზოგადოებას ვაჩვენოთ მსგავსი საწარმოების და იქ დასაქმებული ადამიანების შესაძლებლობები და ბიზნესის წარმოების უნარები. „სმარტში“ ამ ეტაპზე სოციალური საწარმოების - „დავითიანნის“ და „ზესხოს“ ხის სათამაშოების და სვანური მარილის რეალიზაცია წარმატებით მიმდინარეობს. იმედს ვიტოვებთ, რომ სააღდგომო გამოფენა-გაყიდვაშიმონაწილე სოციალური საწარმოებისათვის „სმარტის“ საგამოფენო სივრცე ახალი პარტნიორების მოძიების მნიშვნელოვანი შესაძლებლობა იქნება“, განაცხადა ”ვისოლი ჯგუფის” საზოგადოებასთან ურთიერთობის მენეჯერმა რუსუდან კბილაშვილმა.
“სმარტის“ ვაკის სუპერმარკეტში სოციალურმასაწარმოებმა:„დავითიანნმა“, „იკორთამ“ , „ბაბალემ“, „ფარშევანგმა“, „თანადგომამ“, „რეას ციყვებმა“, ორგანიზაციამ „ვიმეგობროთ“, "კავშირმა ადამიანებისთვის განსაკუთრებულ ზრუნვას რომ საჭიროებენ, "ტრადიციულმა მოდის სახლმა“სააღდგომო თემატიკის ხელნაკეთი პროდუქციის ფართო არჩევანი შეათავაზეს მომხმარებლებს.
„სმარტი“ გამორჩეულია ბაზარზე უმაღლესი ხარისხის პროდუქტის ფართო არჩევანითა და მომსახურების ევროპული სტანდარტებით. „ვისოლ ჯგუფმა“ „სმარტის“ ქსელის განვითარება 2010 წელს დაიწყო. „სმარტის“ სუპერმარკეტები დღესდღეობით წარმატებით ფუნქციონირებს თბილისში, აღმაშენებლის ხეივნის მე-13 კილომეტრზე, რუსთაველის გამზირზე, ვაკეში, საბურთალოზე, ვაზისუბნის მეორე მიკრორაიონში, კახეთის გზატკეცილზე, ბათუმში, გუდაურში, ზუგდიდში, მარნეულში, ახალციხეში, გორში, ყვარელსა და ჩქაროსნული ავტომაგისტრალის გორის მონაკვეთზე.
