ბრიტანეთის ისტორიაში პირველად, არჩევნებში მონაწილე 7 პოლიტიკური პარტიის ლიდერები ერთმანეთს წინასაარჩევნო დებატებში დაუპირისპირდნენ. პოლიტიკურმა ლიდერებმა პირდაპირ ეთერში ემიგრაციის, ჯანდაცვის, ეკონომიკისა და სხვა სტრატეგიული მნიშვნელობის საკითხებზე იმსჯელეს. დებატები 2 საათს გაგრძელდა. ოპოზიციოური პარტიის ლიდერებმა მმართველი გუნდი ხისტი ეკონომიკური პოლიტიკისთვის გააკრიტიკეს, კონსერვატორთა ლიდერმა დევიდ ქემერონმა კი მმართველი კოალიციის პოლიტიკას ბალანსირებული უწოდა და განაცხადა, რომ ლეიბორისტთა ალტერნატიული ეკონომიკური პროგრამა ქვეყნის ეკონომიკაზე ნეგატიურ ასახვას ჰპოვებს.
