სინგაურის პოლიციამ 17 წლის ინტერნეტ-მომხმარებელი დააპატიმრა. ამის მიზეზი ვიდეოპორტალ Youtube-ზე ვიდეორგოლის განთავსება გახდა, სადაც მოზარდი პირველ პრემიერ-მინისტრს, ლი კუან იუს აკრიტიკებდა. ვიდეორგოლი, სახელწოდებით, "როგორც იქნა, მოკვდა" სოციალური ქსელების ლიდერი გახდა, რამაც სამართალდამცავების ყურადღება მიიქცია. სინგაპურის "ეკონომიკური სასწაულის" ავტორი, ცნობილი პოლიტიკური მოღვაწე ლი კუან იუ ერთი კვირის წინ 91 წლის ასაკში გარდაიცვალა.