ნდობის ჯგუფის წევრს დამოუკიდებლად მოქმედების უფლება არ აქვს. ამის შესახებ ნდობის ჯგუფის ხელმძღვანელმა ირაკლი სესიაშვილმა განაცხადა. როგორც უმრავლესობის დეპუტატი განმარტავს, ის ინფორმაცია, რომელსაც ბატონი გივი თარგამაძე ითხოვდა, მთლიანად სცდება ნდობის ჯგუფის კომპეტენციას. შინაგან საქმეთა სამინისტრომ "ნაციონალური მოძრაობის" წევრ გივი თარგამაძესთან თანამშრომლობის გამო საპატრულო პოლიციის თანამშრომელი რუსლან ბაზიაშვილი სამსახურიდან დაითხოვა. უწყების განმარტებით, ბაზიაშვილი თარგამაძეს ინფორმაციებს სისტემატურად აწვდიდა, რაზეც თარგამაძემ განაცხადა, რომ შსს-დან გათავისუფლებული თანამშრომელი მას ინფორმაციებს აწვდიდა, როგორც დეპუტატსა და ნდობის ჯგუფის წევრს.
