,,თავისუფალი დემოკრატების” წევრმა ზურაბ აბაშიძემ პლენარულ სესიაზე ხელისუფლებას საარჩევნო სისტემის შეცვლისკენ მოუწოდა. დეპუტატმა ხელისუფლებას ამ კუთხით 2012 წელს წინასაარჩევნო დანაპირები შეახსენა, რომელიც სამართლიანი საარჩევნო სისტემის ჩამოყალიბებას უკავშირდებოდა.
,,კიდევ ერთხელ მინდა შევახსენო ჩემს კოლეგებს საარჩევნო სისტემა, რომელიც დღეს არსებობს არის მახინჯი, რომელიც აუცილებლად უნდა შეიცვალოს. Pპარლამენტის თავმჯდომარისგან მოვისმინე რომ ეს საარჩევნო სისტემა კრიტიკას ვერ უძლებს, ჩვენ მივესალმებით მის ინიციატივას, რომ შეუერთდა სამოქალაქო მოძრობას, ასევე ჩემს კოლეგებს ,,კონერვატორებს”, ,,ეროვნულ ფორუმს” უმრავლესობის ლიდერს რომელიც შიმშილობდა იმის გამო რომ საარჩევნო სისტემა შეცვლილიყო ქვეყანაში და შემდგომ ამას მოჰყვა შემდგომი პოლიტიკური პერიპეტიები_7 ნოემბერი და ა.შ. მერე მოვიდა 2012 წელი სადაც კოალიცია ,,ქართულმა ოცნებამ” გაიმარჯვა არჩევნებში და დავპირდით ხალხს, რომ შევცვლიდით ამ სისტემას. ამიტომ მოგმართავთ კოლეგებო, რომ დავიწყოთ ამაზე სერიოზული მუშაობა, მარტო განცხადებებით ვერ შემოვიფარგლებით. დღეს მთლიანად პასუხისმგებლობა ეკისრება კოალიცია ,,ქართულ ოცნებას” იმისთვის, რომ შეცვალოს ქვეყანაში საარჩევნო სისტემა და მინდა გითხრათ, რომ ამ მიმართულებით წამზომი ჩართულია”, -მიმართა დეპუტატებს ზურაბ აბაშიძემ.
