აშშ არ ცნობს რაიმე სახის ე.წ. შეთანხმების კანონიერებას საქართველოს ამბოხებული რეგიონების დეფაქტო ლიდერებსა და რუსეთის ფედერაციას შორის. Aმის შესახებ აშშ სახელმწიფო დეპარტამენტის წარმომადგენელმა ჯენ ფსაკიმ განაცხადა.
მისივე თქმით, სამხრეთ ოსეთი და აფხაზეთი საქართველოს განუყოფელ ნაწილებად რჩება, აშშ კი განაგრძობს საქართველოს ტერიტორიული მთლიანობისა და სუვერენიტეტის მხარდაჭერას. ჯენ ფსაკის განმარტებით, არც ამჟამინდელი და არც წინა ხელშეკრულებები, რომელსაც ხელი 2014 წლის ნოემბერში მოეწერა, არ წარმოადგენს იურიდიული ძალის მქონე საერთაშორისო დოკუმენტებს. ვაშინგტონი მოუწოდებს რუსეთს უარი თქვას საქართველოს რეგიონების დამოუკიდებლობის აღიარებაზე და მხარს უჭერს ჟენევის დისკუსიებს, როგორც საშუალებას უსაფრთხოებისა და ჰუმანიტარულ საკითხებში სამხრეთ ოსეთსა და აფხაზეთში პროგრესის მისაღწევად.
