,,ნაცმოძრაობის” წევრი გიორგი გაბაშვილი თბილისის ყოფილი მერის გიგი უგულავასთვის ბრალის დამძიმებას და ზუგდიდში პარტიის ოფისის დარბევას გამოეხმაურა და მომხდარზე პასუხისმგებლობას ყოფილ პრემიერს ბიძინა ივანიშვილს აკისრებს.
,,დღეს ბიძინა ივანიშვილის პირადი გადაწვეტილებით გაუხანგრძლივდება პატიმრობა გიგი უგულავას, საქართველოს კონსტიტუციის აშკარად ფეხის გათელვით, რადგან ყველას მოგეხსენებათ ადამიანი არ შეიძლება 9 თვეზე მეტი წინასწარ პატიმრობაში იმყოფებოდეს, ეს პრაქტიკა ივანიშვილმა უკვე დანერგა და ყველანაირი განაჩენის გარეშე მისი პირადი პატიმრები, მისი პირადი ტყეები და მისი აზრით, მძევლები ამ პოლიტიკურ ბრძოლაში ციხეებში რჩებიან, მათ შორის გიგი უგულვა”, _განაცხადა გაბაშვილმა.
გაბაშვილის განცხადებით, ივანიშვილი ვერ მოახერხებს ძალადობით, დაჭერების, რეპრესიების გზით ხელისუფლების შენარჩუნებას.
,, ჩვენ ძალიან ბევრი შევიკრიბებით 21 მარტთს რუსთაველის გამზირზე და დავიწყებთ პოლიტიკურ პროცესს, რომელიც აუცილებლად დამთავრდება მისი რეჟიმის აღსასრულით, რომელიც აუცილებლად დამთავრდება ამ სამარცხვინო რეჟიმის გადადგომით”, _განაცხადა გაბაშვილმა.
