უკრაინაში ეროვნული ვალუტის დევალვაციამ და შრომის ეროვნული ბაზრის შემცირებამ, შრომითი მიგრაციის ახალი ტალღა გამოიწვია.
”ბოლო წლის განმავლობაში მართლაც შეიძლება იმაზე საუბარი, რომ გაიზარდა იმათი რაოდენობა ვინც ქვეყნიდან სამუშაოს საძებნელად გადის. მხოლოდ ლიტვაში, ოფიციალური მონაცემებით, სამუშაოდ მოეწყო 20 %-ით მეტი უკრაინელი ვიდრე 2013 წელს”-, ამის შესახებ უკრაინის ანალიტიკური ცენტრის პრეზიდენტმა ალექსანდე ოხრინენკომ განაცხადა.
აღსანიშნავია, რომ ბოლო პერიოდში უკრაინელები დასაქმებისათვის მხოლოდ ევროკავშირის ქვეყნებზე არ არიან ორიენტირებულნი და მათ ყურადღებას ყოფილი სსრკ-ს ქვეყნებიც იპყრობს. უნდა აღინიშნოს, რომ ასეთი შემოთავაზებები საკმაოდ ბევრია ყაზახეთიდან და თურქმენეთიდან. დსთ-ს ქვეყნებიდან ბოლო ნახევარი წლის განმავლობაში დამსაქმებელთა შემოთავაზებები 30 %-ით გაიზარდა.
როგორც უკრაინული მედია წერს, ვაკანსიების მიწოდებას საქართველოც ახორციელებს. სადაც დაქირავებულისთვის საშუალო ხელფასი 876 ლარია, თუმცა საქართველო არ მიეკუთვნება იმ ქვეყნების რიცხვს სადაც ჩამოსულებს მასობრივად სთავაზობენ დასაქმებას.
”ქართველები თვითონ გადიან ქვეყნიდან, ძირითადად თურქეთში”, - აცხადებს ოხრინენკო.
ექსპერტი მიიჩნევს რომ საქართველოში ჩამოსვლა და სამსახურის დაწყება მხოლოდ იმ პირობებშია გონივრული თუ ”იქ ნათესავები, ან ახლობლები გყავთ, რომლებიც დასაქმებაში დაგეხმარებიან. ყველაზე ადვილი, საქართველოში სამუშაოს პოვნა ტურისტულ ბიზნესშია, შემდეგ მოდის ლოჯისტიკა და ტაქსის მძღოლობა. თუმცა პოტენციური დამქირავებლები ქართულისა და და ინგლისურის ცოდნას მოითხოვენ,- აცხადებს ოხრინენკო.
უკრაინული მედია წერს, რომ საქართველოში ადვილია მცირე ბიზნესის წამოწყება მაგრამ ამისათვის აუცილებელია სათანადო კაპიტალიც.
