Apple ევროპაში 1,7 მლრდ ევროს მოცულობის ინვესტიციას განახორციელებს. პროექტის ფარგლებში ამერიკული კომპანია, 2017 წლამდე ევროპაში ორ მონაცემთა ცენტრს ააშენებს, სადაც განახლებადი ენერგია იქნება გამოყენებული. ცენტრის მიერ დამუშავებული მონაცემები ”ჩაკბეჩილი ვაშლის” ევროპელი კლიენტების ონლაინ სერვისებისათვის იქნება განკუთვნილი.
Apple-ის მიერ განსახორციელებელი ინვესტიცია, კუპერტინოდან ყველაზე მსხვილი ინვესტიცია იქნება, რაც კი ევროპაში განხორციელებულა.
უკვე ცნობილია, რომ Apple-ი ცენტრებს დანიასა და ირლანდიაში ააშენებს.
