პროკრედიტ ბანკის სათავო ოფისმა ჰოლანდიის საელჩოს მიერ ორგანიზებულ ორდღიან სემინარს უმასპინძლა. ეს უნიკალური მასტერკლასი ინვესტორებისთვის იმ სიახლეების გაცნობას ისახავდა მიზნად, რომელიც თანამედროვე სათბურების მოწყობას ითვალისწინებს.
სპიკერის ამპლუაში ჰოლანდიის საელჩომ სოფლის მეურნეობის მინისტრის პირველი მოადგილე ნოდარ კერესელიძე, ჯეოველ რისერჩის აღმასრულებელი დირექტორი ჯორჯ ველტონი და საქართველოს ფერმერთა ასოციაციის წარმომადგენელი მოიწვია.
მოწვეულ სტუმრებს შორის კი იყვნენ ის ინვესტორები, ვინც რეალურად დაინტერესებულნი არიან ამ დარგში მნიშვნლოვანი ინვესტიციების განხოციელებით. ჯამში შეხვედრას 25 სტუმარი ესწრებოდა.
ორ დღიანი სემინარის შემდეგ, 26- 28 თებერვალს ჰოლანდიის საელჩოს ორგანიზებით დაგეგმილია ინვესტორების სტუმრობა ხობსა და სამტრედიაში.
აღნიშნული ვიზიტი, თეორიეული სემინარის შემდეგ, შუშისა და ცელოფნის სათბურებში ვიზიტსა და ადგილზე ბიზნესის ყველა დეტალის გაცნობას ითვალისწინებს, მათ შორის როგორ უნდა მოეწყოს გათბობის, ვენტილაციის, ირიგაციის სისტემები, კლიმატის კონტროლის მექანიზმები და სხვა მრავალი, რაც დაკავშირებულია სრულყოფილი და თანამედროვე სასათბურე სისტემების მოწყობასთან.
პროკრედიტ ბანკისთვის, როგორც ყველაზე გამოცდილი ბანკისთვის აგრო სექტორის დაფინანსებაში განსაკუთრებით მნიშვნელოვანია, მისი აგრო კლიენტების მაქსმიალური ჩართულობა სემინარებში და მათთვის აგრო სექტორში არსებული ტექნიკური სიახლეების გაცნობა და გაზიარება.
