უკრაინაში მოქმედი ოპოზიციური პარტია ,,ოპოზიციური ბლოკი" ინიციატივით გამოდის, დავით საყვარელიძისთვის საჯარო გამოცდა მოეწყოს და უკრაინის გენერალური პროკურორის მოადგილემ უკრაინის კანონმდებლობისა და უკრაინული ენის ცოდნის გამოსავლენად ტესტირება გაიაროს.
ამის შესახებ ინფორმაციას პარტიის პრეს-სამსახური ავრცელებს.
,,ვიდრე ფიცს დადებს და მოვალეობის შესრულებას შეუდგება, გენპროკურორის ახალი მოადგილისგან მოვითხოვთ, თავის სფეროში საჯარო გამოცდა-ატესტაცია გაიაროს და იურისტების, ადვოკატების, უფლებადამცველებისა და სამოქალაქო აქტივისტების თანდასწრებით უკრაინის კანონმდებლობისა და უკრაინული ენის ცოდნა გამოავლინოს." - ნათქვამია ოპოზიციური პარტიის განცხადებაში.
უკრაინული ოპოზიცია ყურადღებას ამახვილებს იმ ფაქტზე, რომ საყვარელიძე საქართველოს ყოფილი პრეზიდენტის მიხეილ სააკაშვილის გუნდის წევრია და მათზე საქართველოში სისხლის სამართლის საქმეებია აღძრული.
მასალის გამოყენების პირობები