რუსეთის შინაგან საქმეთა მინისტრის ვლადიმერ კოლოკოლცევის ბრძანებით სამინისტროს თანამშრომლებისთვის საზღვარგარეთ წასვლასთან დაკავშირებით ახალი შეზღუდვები დაწესდა,
ამიერიდან მათ დასასვენებლად წასვლა მხოლოდ დსთ-ს ქვეყნებში (უკრაინის გამოკლებით) და ოკუპირებულ აფხაზეთსა და სამხრეთ ოსეთში შეეძლებათ.
უწყებაში აღნიშნულ შეზღუდვებს სახელმწიფო და სამსახურეობრივი საიდუმლოს შენახვის აუცილებლობას უკავშირებენ.
,,სამინისტროს თანამშრომლები სახელმწიფო სამსახურში იმყოფებიან, რაც მათ განსაკუთრებულ პასუხისმგებლობას აკისრებთ, მათ შორის, მთელ რიგ შეზღუდვებსაც, რაც სახელმწიფო, სამსახურეობრივი და სხვა სახის საიდუმლოს შენახვის აუცილებლობით არის გამოწვეული." - ნათქვამია რუსეთის შინაგან საქმეთა სამინისტროს პრეს-სამსახურის მიერ გავრცელებულ განცხადებაში.
უფრო ადრე, რუსეთის საგარეო საქმეთა სამინისტროს რეკომენდაციების თანახმად, შინაგან საქმეთა სამინისტროს ორგანოების თანამშრომლებს საზღვარგარეთის იმ 100-ზე მეტ ქვეყნაში მოგზაურობა აეკრძალათ, რომელთაც აშშ-სთან სამართლებრივი დახმარების და ეჭვმიტანილთა და ბრალდებულთა ექსტრადიციის შესახებ ხელშეკრულებები აქვთ გაფორმებული.
რუსეთის შსს-ს პრეს-სამსახურში ამტკიცებენ, რომ საზღვარგარეთ წასვლის შეზღუდვასთან დაკავშირებულ გადაწყვეტილებას ,თანამშრომლები ,,გაგებით მოეკიდნენ".
,,მით უმეტეს, როცა დასასვენებლად საჭირო ადგილები რუსეთის ტერიტორიაზეც ბლომად არის." - აცხადებენ რუსეთის შსს-ში.