შოტლანდიური კუნძულის შეძენა 350 ათას ფუნტადაა შესაძლებელი. კუნძული სულ 250 ათას კვ-მ-ზეა გადაჭიმული. კუნძულს აქვს საკუთარი მახასიათებლებიც - ის უკაცრიელია უკვე 100 წელია. ეს პრინციპში წარმოუდგენელი არც არის, რადგანაც კუნძულამდე მიღწევა, ნავით ან ვერტმფრენით, მხოლოდ კარგ ამინდშია შესაძლებელი, ხოლო კუნძულზე ცხოვრება წლის განმავლობაში მხოლოდ სამი თვე, ისიც ზაფხულზე. წლის დანარჩენ პერიოდში კუნძულზე საკმაოდ მკაცრი კლიმატური პირობებია.
თუმცა კომპანიაში, რომელიც კუნძულს ყიდის, აცხადებენ, რომ Holm of Huip -ი ცივილიზაციასთან კარგადაა დაკავშირებული, რადგანაც კუნძულზე მისვლა ვერტმფრენით ყოველდღეა შესაძლებელი.
გარდა ამისა, კუნძული გამოირჩევა ულამაზესი ხედებითა და ისტორიული ნივთებით ჯერ კიდევ ვიკინგების პერიოდიდან. სწორედ ამიტომ კუნძულმა შესაძლოა გამოიწვიოს განსაკუთრებული ინტერესი არქეოლოგიის მოყვარულებისათვის.
