ავტორიტეტულმა კორეულმა გამოცემა Korea Herald-მა, მობილურ ბაზარზე Samsung-ის პერსპექტივების შესახებ, ცნობილი ანალიტიკოსების მოსაზრებები გამოაქვეყნა. ანალიტიკოსთა მტკიცებით, კომპანიის გაყიდვების შემცირების ტენდენცია სამომავლოდაც გაგრძელდება და ბაზარზე Galaxy S6-ის გამოტანა, მას ვერ უშველის.
პრემიუმ სეგმენტში Samsung-ის დაუძინებელი მტერია Apple, ხოლო შედარებით დაბალ ბიუჯეტიან სეგმენტში კი მას მძაფრ კონკურენციას ჩინური მწარმოებლები უწევენ კონკურენციას. ექსპერტების მოსაზრებით, სწორედ ამ ფონზე Samsung-ისთვის კრიზისის დაძლევის გზები საკმაოდ ბუნდოვანია და Galaxy S6 სიტუაციას ვერ გამოასწორებს.
შეგახსენებთ, რომ უცხოურ მედიაში გავრცელებული ინფორმაციების მიხედვით, ახალი Samsung Galaxy S6-ის პრეზენტაცია 2 მარტს, გამოფენა MWC 2015-ის ფარგლებშიმოხდება, ხოლო ახალი მოწყობილობების გაყიდვა იმავე თვეში, პრეზენტაციიდან რამდენიმე დღეში დაიწყება. გავრცელებული ინფორმაციითვე, Galaxy S6-ის ბაზარზე გამოსვლიდან რამდენიმე ხანში, ქსელში წყალგაუმტარი კორპუსის მქონე Galaxy S6 Activ-იც გაეშვება.