მიმდინარე მაკროეკონომიკური ვითარებიდან გამომდინარე სებ-ი გადაწყვეტილებას იღებს და მომდევნო კვირიდან მონეტარული პოლიტიკის გამკაცრებას დაიწყებს. როგორც დღეს გამართულ ბრიფინგზე სებ-ის პრეზიდენტმა გიორგი ქადაგიძემ განმარტა, სებ-ს გამოვიყენებს მის ხელთ არსებულ ყველა მექანიზმს, რადგანაც ლარის გაცვლითი კურსის გაუფასურებამ უკვე მიაღწია იმ ზღვარს, როდესაც არსებობს მნიშვნელოვანი საფრთხე, რომ ინფლაციური პროცესი გადაიზაროდს ფასების ზრდაში.
"ამ პროცესით ძალიან ზარალობენ მოქალაქეები, ვისაც ვალდებებულები აქვს დოლარში და შემოსავლები ლარში, ლარის კურსის გაუფასურება აუარესებს მათ მდგომარეობას. მივიღეთ გადაწყვეტილება, მომდევნო კვირიდან დავიწყოთ მონეტარული პოლიტიკის გამკაცრება, გამოვიყენებთ ჩვენს ხელთ არსებულ ყველა მექანიზმს, ჩვენი ჩარევა იქნება თანმიმდევრული, იმ მოცულობის და დოზის, რაც საჭირო იქნება მაკროეკონიკური სტაბილურობის უზრუნველსაყოფად", - განაცხადა სებ-ის პრეზიდენტმა.
როგორც გიორგი ქადაგიძემ განმარტა, კონსულტაციების შემდეგ მიღებულია გადაწყვეტილება, რომ ფისკალური ნაწილი, ანუ ბიუჯეტის ხარჯვითი ნაწილი იქნება დაბალანსებული ან უკეთეს შემთხვევაში - პროფიციტური.
"იმ გამოწვევების ფონზე, რაც დღეს არის ეკონომიკაში, იმ რიცხვების და მონაცემების ანალიზის საფუძველზე, რომელიც დღეს ჩვენ გვაქვს, აუცილებელია, დავიწყოთ ეკონომიკური ზრდის 5%-იანი პროგნოზის გადახედვა შემცირების მიმართულებით, შესაბამისი ფისკალური და მაკროეკონომიკური ინდიკატორების გადაგეგმვა, ანუ ახალი გეგმის გაკეთება იმისთვის, რომ ეკონომიკური პოლიტიკა ადეკვატურად ასახავდეს და პასუხობდეს იმ გამოწვევს, რაც არის დღეს ქვეყანაში", - განაცხადა ქადაგიძემ.
