ეროვნული ბანკი მონეტარული პოლიტიკას ამკაცრებს, - განაცხადა ეროვნული ბანკის პრეზიდენტმა, გიორგი ქადაგიძემ. მისი თქმით, ლარის კურსმა უკვე მიაღზია იმ ზღვარს როდესაც შესაძლოა ფასები გაიზარდოს. მისივე განცხადებით, იგეგმება არსებული ეკონომიკური ზრდის პროგნოზის გადახედვაც.
"ჩვენი აზრით ლარის გაცვლითი კურსის გაუფასურებამ მიაღწია იმ ზღვარს, როდესაც ინფლაციური მოვლენები შესაძლოა გაიზარდოს ფასები. განსაკუთრებით ზარალდებიან მოქალაქეები ვისაც ვალდებულებები აქვთ დოლარში, შემოსავალი კი ლარში. ლარის კურსის კიდევ უფრო გაუფასურება მნიშვნელოვნად გააუარესებს მათ ეკონომიკურ მდგომარეობას, რაც საბოლოო ჯამში ქვეყნის ეკონომიკაზეც უარყოფითად აისახება. ჩვენ მივიღეთ გადაწყვეტილება და მომდენო კვირიდან მონეტარული პოლიტიკის გამკაცრება იგეგმება. ჩვენი ჩარევა იქნება თანმიმდევრული და გამოვიყენებთ ჩვენ ხელთ არსებულ გადაცემის ყველა ინსტრუმენტს. ჩვენ გვქონდა ინტენსიური განხილვები მთავრობასთან და მიღებული იქნა გადაწყვეტილება, რომ ხარჯვითი ნაწილი ან დაბალანსებული ან უკეთეს შემთხვევაში კოეფიცენტური უნდა იყოს. იმ გამოწვევების ფონზე, რაც დღეს არის ეკონომიკაში, იმ რიცხვების და მონაცემების ანალიზის საფუძველზე უნდა დავიწყოთ ეკონომიკური ზრდის მონაცემის გადახედვა შემცირების მიმართულებით, იმისთვის რომ ეკონომიკური პოლიტიკა ადეკვატურად პასუხობდეს ქვეყანაში არსებულ მდგომარეობას" - განაცხადა ქადაგიძემ
