ევროკავშირი "გაზპრომის" გეგმებმა შეაშფოთა. რუსული ენერგოგიგანტის ხელმძღვანელმა ყველასათვის მოულოდნელად განაცხადა, რომ გაზის ტრანზიტის მარშრუტს ცვლის, რაც იმას ნიშნავს, რომ უკრაინის ნაცვლად ევროპა რუსულ გაზს თურქეთისგან მიიღებს. ევროკომისიის წარმომადგენლის განცხადებით, "გაზპრომის" ხელმძღვანელობის გადაწყვეტილება კომპანიის იმიჯს სერიოზულ ზიანს მიაყენებს. "ბატონმა მილერმა მაცნობა, რომ გაზის სრულ მოცულობას რუსეთი თურქეთის გავლით მოგვაწვდის, რამაც ძალიან გამაკვირვა. მე მასთან იმაზე სასაუბროდ ჩავედი, თუ რისი გაკეთება შეგვეძლო "სამხრეთ ნაკადის" გაზსადენის პროექტის შეჩერების შემდეგ სამხრეთ-აღმოსავლეთ ევროპის გაზით უზრუნველსაყოფად,"-აღნიშნა შეფჩოვიჩმა.
მასალის გამოყენების პირობები
