უკრაინასთან, საქართველოსა და მოლდოვასთან ასოცირების შეთანხმება რუსეთის წინააღმდეგ გადადგმული ნაბიჯი არ არის, - ამის შესახებ გერმანიის კანცლერმა ანგელა მერკელმა თავის ყოველკვირეულ ვიდეომიმართვაში განაცხადა.
მისი თქმით, ევროკავშირი რუსეთთან კარგი ურთიერთობის მომხრეა და მასთან თანამშრომლობის იმედს გამოთქვამს.
,,უკრაინასთან, საქართველოსა და მოლდოვასთან ასოცირების შეთანხმება რუსეთის წინააღმდეგ გადადგმული ნაბიჯი არ არის. ეს გაკეთდა ეკონომიკური კავშირების განმტკიცების მიზნით, რომლისგანაც რუსეთი მოწყვეტილი არ უნდა იყოს." - აღნიშნა ანგელა მერკელმა.
თავის გამოსვლაში მან ასევე განაცხადა, რომ გერმანია ყველა ღონეს მიმართავს, უკრაინაში ცეცხლის შეწყვეტის შესახებ მინსკში მიღებული შეთანხმების პირობების შესასრულებლად.
