საქართველოს საგარეო საქმეთა სამინისტროში გაიმართა მინისტრის პირველი მოადგილის დავით დონდუას შეხვედრა საქართველოში აშშ-ის ელჩის მოადგილესთან ნიკოლას ბერლინერთან.
შეხვედრაზე მხარეებმა განიხილეს ორი ქვეყნის სტრატეგიული პარტნიორობის ძირითადი მიმართულებები. საუბარი შეეხო როგორც ორმხრივი და მრავალმხ-რივი თანამშრომლობის, ისე რეგიონული უსაფრთხოების საკითხებს.როგორც ,,ჯი-ეიჩ-ენს" საგარეო უწყებიდან აცნობეს შეხვედრის ფარგლებში მხარეებმა იმსჯელეს ჟენევის მოლაპარაკებების საკითხებზე, საქართველოს ოკუპირებულ რეგიონებში შექმნილ ვითარებაზე და იმ საფრთხეებზე, რასაც რუსეთის ფედერაციის მიერ ინიცირებული ე.წ. სამოკავშირეო შეთანხმება შეიცავს.
აშშ-ის მხარემ კიდევ ერთხელ დააფიქსირა ურყევი მხარდაჭერა საქართველოს სუვერენიტეტის, ტერიტორიული მთლიანობის და ევროპული და ევრო-ატლანტიკური კურსის მიმართ.
