"ნაციონალური მოძრაობა" შინაგან საქმეთა სამინისტროსა და მინისტრ ალექსანდრე ჭიკაიძეს საჯარო ინფოორმაციის შესახებ კანონის დარღვევაში ადანაშაულებს.
როგორც პარტიის წევრმა ირმა ნადირაშვილმა დღვანდელ პრესკონფერენციაზე განაცხადა, უწყებისა და მისი ხელმძღვანელის წინააღმდეგ სარჩელს სასამართლოში ხვალ შეიტანენ.
"კანონმდებლობით, მინისტრი ვალდებულია სადეპუტატო შეკითხვებს უპასუხოს. ჩვენ არაერთი ასეთი კითხვით მივმართეთ მას. გვაინტერესებდა მიგვეღო ინფორმაცია შსს-ში სახელფასო დანამატების, ხელფასებისა და პრემიების შესახებ. არაერთი წერილის მიუხედავად, ჩვენ ეს ინფორმაცია ვერ მოვიპოვეთ",- განაცხადა ნადირაშვილმა.
