23-24 ნოემბერს, საქართველოს პარლამენტის ევროპასთან ინტეგრაციის კომიტეტის თავმჯდომარემ, ვიქტორ დოლიძემ და პარლამენტის ვიცე-სპიკერმა, ზურაბ აბაშიძემ რიგაში მონაწილეობა მიიღეს ბალტიის ქვეყნების, სკანდინავიის საბჭოს, ბენელუქსის პარლამენტის, გუამის საპარლამენტო ასამბლეის და ვიშეგრადის ქვეყნების პარლამენტარების სემინარში „უსაფრთხოება ევროპაში: ამჟამად არსებული მდგომარეობა და გაკვეთილები პოლიტიკის შემქმნელებისათვის".
სემინარის მიზანია ევროპის უსაფრთხოების პოლიტიკის განხილვა, უკრაინაში არსებული მდგომარეობის გათვალისწინებით.
სემინარის ერთ-ერთი მთავარი საკითხი იყო უკრაინის კრიზისი და თუ როგორ შეიძლება იმოქმედოს უკრაინაში არსებულმა მდგომარეობამ რეგიონზე და ზოგადად მსოფლიოზე.
ასევე განხილულ იქნა დემოკრატიის, უსაფრთხოებისა და სტაბილურობის საკითხები და ამ კუთხით რისი გაკეთება შეუძლიათ პარლამენტარებს.
