ამ დროისთვის ბათუმში ზღვაზე საშტორმო მდგომარეობა მოხსნილია. არდაგანის ტბის დონე დაწეულია, მუშაობს ზღვაში გამსვლელი ყველა არხი. სანაპირო ზოლზე მიმდინარეობს გაწმენდითი სამუშაოები. როგორც ცნობილია, 6 ბალიანმა შტორმმა ბათუმში ზღვის სანაპირო დააზიანა. ბათუმის მერიის ინფორმაციით, დაიტბორა ძველი და ახალი ბულვარის ნაწილი. წყალი შევიდა ანბანის კოშკის სარდაფში.
მთელი დღის განმავლობაში მობილიზებული იყო მერიის ყველა შესაბამისი სამსახური. ჩატარდა ამოტუმბვითი სამუშაოები. ზღვაში გამსვლელ არხებზე გასული ღამის განმავლობაში მუშაობდა მძიმე ტექნიკა. ქალაქის ტერიტორიაზე დატბორვის ფაქტი არ დაფიქსირებულა.
