დღეს ბიუროს სხდომაზე დეპუტატები ფარული მიყურადების შესახებ პარლამენტში რეგისტრირებულ ორ კანონპროექტზე იმსჯელებენ.
საკანონმდებლო ორგანოში ამ დროისათვის ფარულ მოსმენებთან დაკავშირებით პარლამენტის იურიდიული კომიტეტის თავმჯდომარის ვახტანგ ხმალაძის მიერ შემუშავებული კანონპროექტი და დეპუტატების ეკა ბესელიას, გედევან ფოფხაძისა და ირაკლი სესიაშვილის ავტორობით წარდგენილი საკანონმდებლო ინიციატივაა შესული.
აღნიშნულ კანონპროექტებს დეპუტატები დაჩქარებული წესით განიხილავენ. სავარაუდოდ, მიმდინარე კვირაშივე გაიმართება საკომიტეტო განხილვებიც.
ფარული მოსმენების შესახებ კანონის მისაღებად პარლამენტს ვადა 1-ელ დეკემბერს ეწურება.
