ფილტრიან სიგარეტზე (20 ღერზე) აქციზის განაკვეთი 0,15 ლარის ოდენობით იზრდება. აღნიშნულის შესახებ ცვლილება "საქართველოს საგადასახადო კოდექსში" შედის. კანონპროექტის ავტორთა მტკიცებით, ცვლილება კი თამბაქოს ბაზარზე სამართლიანი კონკურენციის პრინციპების დანერგვას, გადასახადების ადმინინისტრირების გამარტივებას, თამბაქოს კონტროლის ღონისძიებების გამკაცრებას და ევროკავშირის კანონმდებლობასთან დაახლოების აუცილებლობას ისახავს მიზანდ
კანონპროექტის თანახმად, 2015 წლის 1 იანვრიდან იცვლება აქციზის განაკვეთი თამბაქოს ნაწარმზე (ფილტრიან და უფილტრო სიგარეტებზე) და ალაოს ლუდზე, ეთილის სპირტსა და ალკოჰოლურ სასმელებზე, ხოლო 2015 წლის 1 ივლისიდან შემოდის ფილტრიან და უფილტრო სიგარეტებზე აქციზის გადასახადის ე.წ. „შერეული სისტემა", აგრეთვე იცვლება აქციზის გადახდისწესი.
კერძოდ, 2015 წლის 1 იანვრიდან:
• ფილტრიან სიგარეტზე (20 ღერზე) აქციზის განაკვეთი იზრდება 0,15 ლარის ოდენობით;
• უფილტრო სიგარეტზე (20 ღერზე) აქციზის განაკვეთი იზრდება 0,05 ლარისოდენობით.
• ალაოს ლუდზე, ეთილის სპირტსა და ალკოჰოლურ სასმელებზე აქციზის განაკვეთები იზრდება ორჯერ.
როგორც კანონპროექტის განმარტებითი ბარათიდან ირკვევა, ცვლილება გავლენას მოახდენს ბიუჯეტის საშემოსავლო ნაწილზე. საგადასახადო შემოსავლები 2015 წელს წინა წელთან შედარებით, სავარაუდოდ, 110 მლნ. ლარით გაიზრდება. ამასთან, გამომდინარე იქედან, რომ 2015 წლის სახელმწიფო ბიუჯეტის პარამეტრები დამყარებულია, მათ შორის, ამ კანონპროექტით გათვალისწინებულ ფინანსურ გათვლებზე, წარმოდგენილი კანონპროექტის მიღება პირდაპირ კავშირშია „საქართველოს 2015 წლის სახელმწიფო ბიუჯეტის შესახებ" საქართველოს კანონპროექტის მიღებასთან.
