საქართველოს ვიცე-პრემიერმა გიორგი კვირიკაშვილმა მონაწილეობა მიიღო ატლანტიკური საბჭოს სამიტში, რომელიც 22 ნოემბერს თურქეთის ქალაქ სტამბულში გაიმართა. წლევანდელი სამიტის მთავარი თემა იყო ბიზნესის წარმოება მსოფლიოში მიმდინარე გამოწვევების ფონზე.
სამიტზე, რომელიც ეკონომიკისა და ენერგეტიკის საკითხებს მიეძღვნა, მონაწილეობდა 40 ქვეყნის მთავრობის, ბიზნესისა და სამეცნიერო წრეების 450-ზე მეტი წარმომადგენელი. სამიტის დასკვნით ღონისძიებას ესწრებოდა აშშ-ის ვიცე-პრეზიდენტი ჯოზეფ ბაიდენი.
ენერგო და ეკონომიკური სამიტი, ატლანტიკური საბჭოს ორგანიზებით, ყოველწლიურად შავი და კასპიის ზღვებისა და ცენტრალური ევროპის მასშტაბით რეგიონში ეკონომიკური გამოწვევების განსახილველად იმართება.
