პრეზიდენტ პოროშენკოს მიერ დონბასის ეკონომიკურ ბლოკადაში მოქცევა შესაძლოა აღმოსავლეთ უკრაინაში სრულმასშტაბიანი სამხედრო ოპერაციის ჩატარებისთვის მზადებას ნიშნავდეს. ამის შესახებ რუსეთის საგარეო საქმეთა მინისტრმა სერგეი ლავროვმა განაცხადა. მისივე თქმით, ჟენევის მოლაპარაკების ფორმატი, რომელის აუცილებლობაზეც უკრაინის ხელისუფლება საუბრობს, უკვე განვლილი ეტაპია.
„ამ გზით ისინი ცდილობენ პროცესში დონბასის ლიდერების მონაწილეობა გამორიცხონ. რაც შეეხება მოსკოვის მიმართ დასავლეთის ბრალდებებს, რუსეთი კონფლიქტში არ მონაწილეობს და ჩვენს მცდელობებს, კრიზისი მშვიდობიანი გზით მოგვარდეს, დასავლეთი ბლოკავს,"-განაცხადა რუსეთის პირველმა დიპლომატმა.
