დღეს პარლამენტის ადამიანის უფლებათა დაცვის კომიტეტი ე.წ. იპოთეკარების პრობლემასთან დაკავშირებით არასამთავრობო ორგანიზაციის მიერ წარდგენილ საკანონმდებლო ინიციატივებს განიხილავს.
"თანადგომა და სამართლონობის" ინიციატივის მიხედვით, იპოთეკით დაზარალებული ოჯახების გასახლება მხოლოდ სასამართლოს გადაწყვეტილებით უნდა მოხდეს. ამჟამად ამ საკითხზე განკარგულების მიღება აღსრულების ეროვნულ ბიუროს სასამართლოს დადგენილების გარეშეც აქვს.
,,მოვისმენთ არგუმენტებს და ალბათ კომიტეტს ექნება შესაბამისი რეკომენდაციები, რომ მაქსიმალურად უზრუნველვყოთ იმ პირთა უფლებების დაცვა და სამართლებრივი გარანტიების შექმნა, ვინც სხვადასხვა პერიოდში დაზარალდა და იმყოფება უკიდურესად რთულ სიტუაციაში", - განაცხადა ჟურნალისტებთან კომიტეტის თავმჯდომარემ ეკა ბესელია.
