ხვალ, 15 ნოემბერს, ,,ნაცმოძრაობა" საპროტესტო აქციას გამართავს. აქცია რუსთაველის გამზირზე, ვარდების მოედანზე 16:00 საათზე გაიმართება.როგორც პარტიის წევრები განმარატვენ აქციის მიზანი საქართველოს ანექსიის გაპროტესტება და აღნიშნულთან დაკავშირებით ხელისუფლების უმოქმეედობაა.
,,ოკუპირებულ აფხაზეთში შექმნილი ვითარებიდან გამომდინარე და იქიდან გამომდინარე, რომ სახეზეა რუსეთის მხრიდან ღია და თავხედური ანექსიის მცდელობა და ამის შესაჩერებლად საქართველოს მთავრობა არაფერს აკეთებს. ჩვენ გადავწყვიტეთ ამა წლის 15 ნოემბერს დედაქალაქში, რუსთაველის გამზირზე მოვაწყოთ საპროტესტო აქცია, რომლის მიზანიც ხმის მიწვდენა იქნება როგორც საქართველოს ხელისუფლებისთვის, ასევე საერთაშორისო საზოგადოებისთვის. საქართველოს მიწა-წყლიდან გამოდევნილ ნახევარ მილიონზე მეტი ადამიანი არ შეეგუება რესეთის ანექსიას", _განაცხადა ,,ნაცნმოძრაობის" წევრმა ზურაბ ჯაფარიძემ
