თელავის რაიონულმა სასამართლომ პანკისში მომხდარი ინციდენტის დროს დაკავებულ ახალგაზრდებს ორთვიანი წინასწარი პატიმრობა შეუფარდა.
გიორგი ბრაგვაძეს, ბექა ყაჩმაზაშვილს, ვისურ და ლევან მუთოშვილებს ბრალი ხულიგნობაში ედებათ.
მოსამართლის მიერ მიღებულ გადაწყვეტილებას დაცვის მხარე არ ეთანხმება და გასაჩივრებას გეგმავს.
საქმის არსებითი განხილვა სასამართლო 29 დეკემბარს გაიმართება.
ბრალის დამტკიცების შემთხვევაში მათ თავისუფლების აღკვეთა 2-დან 5 წლამდე ემუქრებათ.
შეგახსენებთ, ორი დღის წინ პანკისის ხეობაში ახმეტელებსა და პანკისელებს შორის ფიზიკური დაპირისპირების გამო, 3 ადამიანი დაშავდა. ხულიგნობის ბრალდებით პოლიციამ ორი ახმეტელი და ორი ქისტი ახალგაზრდა დააკავა.
მასალის გამოყენების პირობები
