აღმოსავლეთ უკრაინაში რუსეთის ჯარები და სამხედრო ტექნიკა არ შესულა. ამის შესახებ რუსეთის საგარეო საქმეთა მინისტრმა ამერიკელ კოლეგასთან შეხვედრამდე განაცხადა.
დონბასში რუსული სამხედრო ნაწილების შესვლის ფაქტი არც ჯონ ქერიმ დაადასტურა. კითხვაზე, ასრულებს თუ არა რუსეთი ცეცხლის შეწყვეტის შეთანხმების პირობებს, რუსეთის პირველმა დიპლომატმა განმარტა, რომ სამშვიდობო შეთანხმება უკრაინის ხელისუფლებასა და სეპარატისტებს შორის დაიდო და მინსკის შეთანხმების პირობები არა რუსეთმა, არამედ კიევმა და დონბასმა უნდა შეასრულონ. ლუგანსკში რუსული სამხედრო ტექნიკისა და ცოცხალი ძალის შესვლის შესახებ გუშინ უკრაინის უშიშროებისა და თავდაცვის ეროვნული საბჭოს პრეს-მდივანმა ანდრეი ლისენკომ განაცხადა.