სახელმწიფო მოხელეთა მხრიდან თანამდებობების დემონსტრაციულად დატოვება სახელმწიფოს მიმართ საბოტაჟის ნიშნებს ატარებს, - _განაცხადა პრემიერ-მინისტრმა ღარიბაშვილმა მთავრობის ადმინისტრაციაში გამართულ ბრიფინგზე.
„ძალიან დამახინჯებული გზით მიჰყავთ ჩვენი მთავრობის ყოფილ წევრებს აღნიშნული პროცესი. ჩვენი ხელისუფლება და მთავრობა განუხრელად ადგას ევროპულ და ევროატლანტიკურ კურსს და ამ კურსიდან გადახვევა არის გამორიცხული. ეს არის ჩვენი ხალხის არჩევანი და ვერავინ ვერ მოახერხებს რომ საკუთარ თავზე მიიწროს ჩვენი ხალხის ევროპული ორიენტაცია. ხალხის არჩევანით სპეკულირება არის მიუღებელი, გაუმართლებელი და ჩველი ხალხის შეურაცხყოფა",- განაცხადა ღარიბაშვილმა და აღნიშნა, რომ „თავისუფალი დემოკრატების" წევრები აკეთებენ ანტისახელმწიფოებრივ განცხადებებს, რომელიც საფრთხეს უქმნის სწორედ საქართველოს ევროპულ არჩევანს.
