პრემიერ-მინისტრის ირაკლი ღარიბაშვილის, თქმით, 2012 წლის არჩევნებში გამარჯვება უკავშირდება ბიძინა ივანიშვილს და ,,ქართულ ოცნებას" და არა ცალკე აღებულ ,,თავისუფალ დემოკრატებს". როგორც ღარიბაშვილმა საგანგებო ბრიფინგზე განმარტა ,,თავისუფალ დემოკრატებში" არის ბევრი ღირსეული ადამიანი და მათთან ერთად სურს ბრძოლის გაგრძელება.
,,2012 წლის არჩევნები უკავშირდება ბიძინა ივანიშვილს და ,,ქართულ ოცნებას". ეს არ უკავშირდება გაერთიანებულ დემოკრატებს, მხოლოდ ცალკე აღებულს, ან მითუმეტეს ირაკლი ალასანიას და მის გუნდს. ,,თავისუფალ დემოკრატებში" არიან ჩემი მეგობრებიც, ისინი არიან ღირსეული ადამიანები, ძალიან კარგი ადამიანები და მე მინდა რომ მათთან ერთად გავაგრძელო ბრძოლა ჩვენი ქვეყნის გასაძლიერებლად, მაგრამ თუ ისინი არჩევანს გააკეთებენ სახელმწიფოსა და პიროვნებას შორის ეს მათი არჩევანია", - განაცხადა პრემიერმა.