გიგი კალანდაძის დაკავება იმ ფორმით, რა ფორმითაც მოხდა, - განაცხადა საქართველოს ყოფილმა თავდაცვის მინისტრმა ირაკლი ალასანიამ გადაცემა "არჩევანში" შეიარაღებული ძალების გაერთიანებული შტაბის ყოფილი უფროსის , გიგი კალანდაძის დაკავების საკითხზე კომენტირებისას.
მისი თქმით, ამის შესახებ მან თავისი აზრი, სადაც საჭირო იყო, დააფიქსირა.
"მე ეს პოზიცია მაშინაც მქონდა, რომ ღამის საათებში დაკავება არ იყო სწორი. ეს სადაც საჭირო იყო დავაფიქსირე. დაკავება არ იყო ჩვენი პრეროგატივა, ეს იყო საგამოძიებო სამსახურის პრეროგატივა და გადაწყვეტილებები, რაზეც შემდეგ ძალიან დიდი აზრთა სხვადასხვაობა იყო", - აღნიშნა ალასანიამ.
მისივე თქმით, მან კალანდაძეს თავდაცვის სამინისტროს თავდებში ჩადგომაც შესთავაზა, თუ ის გულწრფელად აუხსნიდან გამოძიებას ყველაფერს.
"არ მეგონა, რომ გიგი კალანდაძე იმ ტყუილს იტყოდა, რომ მე რაიმე ფორმით მოვთხოვე მას თანამშრომლობა ვინმეს საწინააღმდეგოდ. მე მქონდა კალანდაძესთან შეხვედრები. მე მას ვუთხარი, რომ მთავარი იყო გულწრფელად აეხსნა ყველაფერი გამოძიებისთვის და ამ შემთხვევაში დავიცავდი მას და თავდაცვის სამინისტრო თავდებში ჩაუდგებოდა, რომ არ ყოფილიყო პატიმრობაში", - აღნიშნა ალასანიამ.