იმ ინფორმაციის გავრცელება, რომელიც მოხდა ე.წ. კაბელების საქმით, საჩუქარია უცხო ქვეყნის სპეცსამსახურებისთვის, - განაცხადა საქართველოს ყოფილმა თავდაცვის მინისტრმა ირაკლი ალასანიამ გადაცემა "არჩევანში" განაცხადა.
მისი თქმით, პროექტი, რომელიც განხორციელდა, ქვეყნის თავდაცვისუნარიანობისთვის იყო უმნიშვნელოვანესი და ამ გადაწყვეტილებებით, ასე საჯაროდ გამოტანით, წყალში ჩაიყარა ეს პროექტი
"ეს პროექტი, რომელიც განხორციელდა, ჩვენი ქვეყნის თავდაცვისუნარიანობისთვის იყო უმნიშვნელოვანესი და ამ გადაწყვეტილებებით, ასე საჯაროდ გამოტანით, წყალში ჩაიყარა ეს პროექტი. მე მივმართე შსს-ს კონტრდაზვერვას, რომ შეისწავლოს პროკურორების ეს ქმედება კონტრდაზვერვითი კუთხით. ეს სწორად დახარჯული ფულია და ეს პროექტი არ უნდა იყოს გადაყრილი. ეს არის საჩუქარი უცხო ქვეყნის სპეცსამსახურებისთვის. ამაში მე სრულად ვარ დარწმუნებული. თავდაცვის სამინისტრო ყველაზე სტრატეგიული დანიშნულების სამინისტროა. ეს კამპანია არის ჩვენი თავდაცვის უწყების და ევროატლანტიკური ღირებულებების მიღწევის მთავარი მანქანის წინააღმდეგ. ყველა დეტალი უნდა გაირკვეს. ცხოვრების ბოლომდე ჩავყვები ამ საქმეს და გავარკვევ, საიდან მოდიოდა ეს დაკვეთა", - აღნიშნა ალასანიამ.