"ქართული ოცნება -დემოკრატიული საქართველოს" პოლიტსაბჭოს სხდომაზე თავდაცვის სამინისტროს მაღალჩინოსნების დაკავების საკითხზე საუბარი არ ყოფილა, - ამის შესახებ, პოლიტსაბჭოს სხდომის დასრულების შემდეგ, ჟურნალისტებს პოლიტსაბჭოს ერთ-ერთმა წევრმა ირალი სესიაშვილმა განუცხადა.
სესიაშვილის თქმით, შეხვედრაზე საუბარი შიდაპარტიულ და ორგანიზაციულ საკითხებს, ასევე, პარტიის გაძლიერებისთვის სამომავლოდ გადასადგმელ ნაბიჯებს შეეხებოდა.
პარტიის წევრებმა ასევე ისაუბრეს ფარული მოსმენების შესახებ კანონპროექტთან დაკავშირებით.
როგორც სესიაშვილმა ჟურნალისტებს განუმარტა, პრემიერ-მინისტრმა უმრავლესობის გადაწყვეტილება, რომ მათ მხარი დაუჭირეს კანონპროექტთან დაკავშირებულ პრეზიდენტის შენიშვნებს, მოიწონა.
კოალიცია "ქართული ოცნების" ცენტრალურ ოფისში ირაკლი ღარიბაშვილის ხელმძღვანელობით, კოალიცია "ქართლი ოცნების" პოლიტსაბჭოს სხდომა მიმდინარეობს. სხდომა 16:00 საათზე დაიწყო.
