ექსპერტი სოსო ცისკარიშვილი ,,ჯი-ეიჩ-ენთან" საუბარში პრეზიდენტის გადაწყვეტილების შეფასებისას აცხადებს, რომ გიორგი მარგველაშვილის ვეტო ცოტა ნაადრევი იყო, რადგან მისი ვეტო ეხება კანონპროექტის ვადებს და არა შინაარს.
მისივე თქმით, პრეზიდენტის ვეტო ტექნოლოგურია, ვიდრე შინაარსობლივი.
,,ეს უფრო ტექნოლოგური ვეტოა, ვიდრე შინაარსობლივი. Gადამწყვეტი მნიშვნელობა არ აქვს თებერვლიდან, დეკემბრამდე ვადის დათქმას. ჩემთვის უფრო მნიშვნელოვანია რა ეწერება კანონში. ვერც იმას გავიზიარებს რაიმე, ან ვინმე დაზარალდება თუ დეკემბერში ვერ მოესწრება ე.წ. მოსმენების შესახებ კანონის მიღება ", _განაცხადა ცისკარიშვილმა.
ამასთან ცისკარიშვილი არ გამორიცხავს, რომ სამომავლოდ პრეზიდენტს ე.წ. მოსმენების კანონის შინაარსობლივ მხარეზეც მოუხდეს ვეტოს დადება.
,,არ გამოვრიცხავ რომ უკვე კანონის შინაარსობლივ საკითხზეც შესაძლოა იყოს აუცილებელი ვეტოს დადება, თუ აღმასრულებელი ხელისუფლების სიხისტე შერბილებული არ იქნება", _განაცხადა ცისკარიშვილმა.
პრეზიდენტმა გიორგი მარგველაშვილმა ,,ელექტრონული კომუნიკაციის შესახებ" კანონს ვეტო დაადო. შესაბამისად 1-ელი ნოემბრიდან შსს-ს ოპერატიულ-ტექნიკურ დეპარტამენტს ფარული მოსმენა-მიყურადების და ასევე კომუნიკაციის მაიდენტიფიცირებელი ინფორმაციის შენახვის უფლება აღარ ექნება. ამასთან პრეზიდენტი გიორგი მარგველაშვილი ე.წ. გასაღებთან დაკავშირებულ საკითხზე გადაწყვეტილების მიღების "გონივრულ ვადად" არაუგვიანეს 1-ელ დეკემბერს ასახელებს.
