აჭარის მთავრობა 2015 წლისთვის დაუბეგრავი მინიმუმის სახით მოსახლეობისთვის 11 მლნ ლარის დაბრუნებას ვარაუდობს.
აჭარის მთავრობამ ავტონომიური რესპუბლიკის ბიუჯეტის დაგეგმვისას გაითვალისწინა ეს ფაქტორის და ბიუჯეტიც ამის გათვალისწინებით დაგეგმა. რესპუბლიკური ბიუჯეტის პროექტის მიხედვით, 2015 წლისათვის ავტონომიური რესპუბლიკის რესპუბლიკური ბიუჯეტის საპროგნოზო მაჩვენებელი განისაზღვრა 173 725,0 ათასი ლარით, მათ შორის შემოსავლები შეადგენს 142 725,0 ათას ლარს, საშემოსავლო გადასახადის საპროგნოზო მაჩვენებლი კი - 140 000,0 ათასი ლარით.
როგორც ცნობილია, რესპუბლიკური ბიუჯეტი აღარ იღებს ფინანსურ დახმარებას (ტრანსფერს)სახელმწიფო ბიუჯეტიდან, რითაც როგორც აჭარის მთავრობაში განმარტავენ, რესპუბლიკურ ბიუჯეტს მიენიჭა მეტი ფინანსური დამოუკიდებლობა და ბიუჯეტში გათვალისწინებული ხარჯები მთლიანად ფინანსდება საკუთარი შემოსავლებით.
