,,ნაცმოძრაობის" საზოგადოებასთან ურთიერთობის მდივანი ზურაბ ჭიაბერაშვილი პრემიერ ირაკლი ღარიბაშვილის გზავნილს აფაზეთისა და სამხრეთ ოსეთთან მიმართებაში მის მიერ რამდენიმე დღის წინ გაკეთებული განცხადების გამოსყიდვის მცდელობად აფასებს. თუმცა როგორც ჭიაბერაშვილმა ,,ჯი-ეიჩ-ენთან" საუბარში განაცხადა ღარიბაშვილს აფხაზეთისა და სამხრეთ ოსეთთან მიმართებაში არაფერი ახალი არ უთქვამს.
,პრემიერს არაფერი ახალი და განსაკუთრებული არ უთქვამს რასაც საქართველო განვლილი 23 წლის განმავლობაში ამბობდა, მას შემდეგ რაც პირველად რუსეთმა დაიწყო კონფლიქტი ცხინვალის რეგიონში 1991 წლის იანვარში. ეს იყო იმ უმძიმესი დანაშაულის გამოსყიდვის მცდელობა როცა მან აფხაზების თვითგამორკვევაზე განაცხადა. თუმცა ამ მიმართულებით ღარიბაშვილის მხრიდან საქართველოს ზიანი უკვე მიღებული აქვს. საგარეო საქმეთა მინისტრის მოადგილე დავით ზალკალიანმა პარლამენტის საკომიტეტო მოსმენებზე თქვა, რომ ჩვენი მხრიდან რუსეთს ჰქონდა მოლოდინი შევასუსტებდით, პოზიციებს ჟენევის მოლაპარაკებში. Aაქ უნდა დავსვათ კითხვა რატომ იყო ასეთი მოლოდინი?-იმიტომ რომ ღარიბაშვილი-ივანიშვილი ლაპარაკობდნენ იმაზე რუსეთი ამას არ იზამს, ჩვენ არავის შუამავლობა რუსეთთან აღარ გვჭირდება, არ გვინდა ამერიკისა და ევროპის ჩართულობა. შესაბამისად დღეს მივიღეთ ის შედეგი რაც გავქვს, რომ საფრთხის ქვეშ დგას ჟენევის მოლაპარაკების ფორმატი", ჭიაბერაშვილმა", _განაცხადა ჭიაბერაშვილმა.
პრემიერ-მინისტრი ირაკლი ღარიბაშვილი აფხაზეთსა და სამხრეთ ოსეთს ერთიანი დამოუკიდებელი, ძლიერი საქართველოს ფარგლებში ცალკე ავტონომიას სთავაზობს. როგორც ღარიბაშვილმა განაცხადა საქართველო აქვს დიდი წარმატების პერსპექტივა, თუმცა აღნიშნული წარმატება არ სურს სამხრეთ ოსეთისა და აფხაზეთის გარეშე.
,,მე მინდა კიდევ ერთხელ მივმართო ჩვენს აფხაზ და ოს ძმებს, კარგად გაანალიზეთ და დაფიქრდით, რომ ეს არის ერთიანი საქართველოს ტერიტორია. თქვენ იყავით ავტონომიური რესპუბლიკა და ჩვენ გთავაზობთ იგივეს, გქონდეს ავტონომია მაგრამ ერთიანი დამოუკიდებელი, ძლიერი საქართველოს ფარგლებში და ვიცხოვროთ მშვიდად. Eეს არის ჩემი კიდევ ერთი ძმური და მეგობრული შემოთავაზება", _ განაცხადა ღარიბაშვილმა.
პემიერი-მინისტრმა ირაკლი ღარიბაშვილმა რამდენიმე დღის წინ განაცხადა რომ რუსეთსა და აფხაზეთს შორის "ინტეგრაციისა და თანამშრომლობის შესახებ" შეთანხმების პროექტი მისთვის შემაშფოთებელია.
,,არ მინდა დავიჯერო, რომ აფხაზეთის მოსახლეობა და აფხაზი ერი სწორედ ამისკენ მიისწრაფვის. ეს პირდაპირ ეწინააღმდეგება მათ მიერ წარმოებულ 25-წლიან ბრძოლას თვითგამორკვევისთვის, აღიარებისა და ე.წ დამოუკიდებლობის მიღწევისთვის. ჩემი ინფორმაციით, აფხაზეთში არაერთგვაროვანი პოზიცია დაფიქსირდა, საკმაოდ კრიტიკული დამოკიდებულება აქვთ ამ ტექსტის მისამართით, - განაცხადა ღარიბაშვილმა.
