ლაშა მახარძის მკვლელობის საქმეში ბრალდებულ ვლადიმერ ბერძენიშვილს საქალაო სასამართლომ გირაო 15 000 ლარი შეუფარდა. მოსამართლის გადაწყვეტილებით, ის სხდომათა დარბაზიდან გაათვისუფლეს.
ბერძენიშვილს ბრალად, დანაშაულის შეუტყობინებლობა ედება.
გამოძიების ინფორმაციით, ის მახარაძის მკვლელობის დღეს შემთვევის ადგილზე იმყოფებდა. მან, კუთვნილი ავტომანქანით ვაკში, აბაშიძის ქუჩაზე გიორგი ოქროპირიძე მიიყვანა,რომელმაც ცეცხლასაროლი იარღიდან ლაშა მახარაძეს ესროლა, ამის შემდეგ კი შემთხვევის ადგილიდან მიიმალა. სამართალდამცველებმა ბერძენიშვილი 4 სექტემბერს დაკავეს.
შეგახსენებთ, რომ აბაშიძის ქუჩის #50-თან 25 წლის ლაშა მახარაძე 2 სექტემბერს გვიან ღამით მოკლეს. გამოძიების ინფორმაციით, ცეცხლსასროლი იარაღიდან ორჯერ მოხდა გასროლა, რის შედეგადაც, გარდაცვლილის გარდა, კიდევ ერთი პირი დაიჭრა.
