შინაგან საქმეთა სამინისტროს სასაზღვრო პოლიციის უფროსი, გენერალ-მაიორი ზურაბ გამეზარდაშვილი ოფიციალური ვიზიტით პოლონეთში იმყოფება. სასაზღვრო პოლიციის 22-ე საერთაშორისო კონფერენცია ევროკავშირის წევრ სახელმწიფოთა გარე საზღვრებზე თანამშრომლობის მართვის ევროპული სააგენტო „ფრონტექსი"-ს ორგანიზებით ვარშავაში ჩატარდა. აღნიშნული კონფერენცია ყოველწლიურად ტარდება და მასში ყველა ქვეყნის სასაზღვრო უწყების ხელმძღვანელი პირები მონაწილეობენ.
საერთაშორისო კონფერენციაზე განიხილება ისეთი საკითხები და გამოწვევები, რომლებიც დაკავშირებულია საზღვრის მართვასთან, რისკების ანალიზთან, კვლევებსა და ტექნოლოგიებთან.
სასაზღვრო პოლიციის 22-ე საერთაშორისო კონფერენციის მიზანია მთელი მსოფლიოს მასშტაბით, სასაზღვრო უწყებების ხელმძღვანელებს შეუქმნას პირობები და მისცეს შესაძლებლობები საზღვრის მართვისა და უსაფრთხოების სფეროში ერთმანეთს გამოცდილება გაუზიარონ.
მასალის გამოყენების პირობები
