საპარლამენტო უმრავლესობის ერთ-ერთი ლიდერის, ,,თავისუფალი დემოკრატების" წევრის ზურაბ აბაშიძის განცხადებით, თავდაცვის ყოფილი მინისტრი ირაკლი ალასანია, პარტიის თავმაჯდომარედ იქნება არჩეული და ეს კონსტიტუციასთან წინააღმდეგობაში არ მოდის.
"ირაკლი ალასანია პარტია „თავისუფალი-დემოკრატების" თავმჯდომარე გახდება და ეს კონსტიტუციასთან არავითარ წინააღმდეგობაში არ მოდის. თავდაცვის მინისტრს პარტიის თავმჯდომარეობა აკრძალული არ აქვს. კონსტიტუციაში მხოლოდ სამხედრო თანამდებობის პირებზეა საუბარი, გენშტაბის ხელმძღვანელზე და სხვა. ასევე მხოლოდ პრეზიდენტს ეკრძალება კონსტიტუციით რომელიმე პარტიის ხელმძღვანელობა", _განაცხადა ,,პრაიმ ტაიმის" პრესკლუბში აბაშიძემ.
შეგახსენებთ, რომ 8 ნოემბერს, პარტია „თავისუფალი დემოკრატები" რიგით მესამე ყრილობას გამართავენ.
ყრილობა თბილისის ფილარმონიის დიდ საკონცერტო დარბაზში გაიმართება.
ყრილობაზე პარტიის ახალი წესდების რედაქციის მიღება და რიგი საკითხების განხილვა მოხდება.
ამასთან დაგეგმილია პარტიის ახალი სიმბოლიკის პრეზენტაცია. როგორც ჟურნალისტებთან ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა, ალექსი პეტრიაშვილმა განაცხადა ,,თავისუფალი დემოკრატების" თავმჯდომარის თანამდებობაზე, შესაძლოა, კვლავ ირაკლი ალასანია დაბრუნდეს და აღნიშნული საკითხი პარტიაში უკვე განიხილება.
,,ჩვენი პარტიის ყრილობაზე ერთ-ერთი სიახლე სავარაუდოდ იქნება პარტიის ხელმძღვანელობაში როტაციული წესით ცვლილებების განხორციელება. შემიძლია გითხრათ, რომ განიხილება ბატონ ირაკლი ალასანიას პარტიის თავმჯდომარედ დაბრუნების საკითხი", - განაცხადა პეტრიაშვილმა.
თავისუფალი დემოკრატების" თავმჯდომარე ამ დროისთვის ირაკლი ქადაგიშვილი იკავებს.
