საქართველოს პრეზიდენტი გიორგი მარგველაშვილი პირველ ლედისთან მაკა ჩიჩუასთან ერთად და ქართულ დელეგაციასთან ერთად ოფიციალური ვიზიტით იაპონიას ეწვია.
ტოკიოს „ჰანედას" საერთაშორისო აეროპორტში ქვეყნის პირველ პირს იაპონიის სახელმწიფო მინისტრი საგარეო საკითხებში მინორუ კიუჩი დახვდა, რომელთანაც მოგვიანებით შეხვედრა გამართა.
აეროპორტში ასევე იმყოფებოდა იაპონიის საგანგებო და სრულუფლებიანი ელჩი საქართველოში ტიოშიო კაიტანი მეუღლესთან ჰარუე კაიტანთან ერთად.
საქართველოს პრეზიდენტის ოფიციალური ვიზიტი იაპონიაში 25 ოქტომბერს დასრულდება.
