პრემიერ-მინისტრი ირაკლი ღარიბაშვილი მისი სახლის წინ მომხდარ ინციდენტს პროვოკაციად აფასებს და აცხადებს, რომ სახელმწიფო არ დაუშვებს მსგვსი ტიპის დესტრუქციულ ქმედებებს.
,,მსგავსი ფაქტები არის ყოვლად დასაგმობი და მიუღებელი. ჩვენ ვართ სახელმწიფო და სახელმწიფო არ დაუშვებს მსგავსი ტიპის პროვოკაციებს და დესტრუქციულ ქმედებებს. Eეს არის დედაქალაქი_ თბილისი, სადაც არ უნდა იყოს იქნება ეს სოფელი, რაიონი ჩვენ არ დავუშვებთ იმას რომ მოქალაქეების გარკვეულმა ჯგუფმა, რომლებიც იქცევიან გამომწვევად, დესტრუქციულად და პროვოკაციულად შექმნან არეულობა და ქაოსი", -აცხადებს ღარიბაშვილი.
პრემიერის თქმით, პროვოკატორი რომელიც პოლიციელზე აღმართავს ხელს არის ყოვლად დასჯადი ქმედება.
შეგახსენებთ, 19 ოქტომბრის საღამოს, პრემიერ ღარიბაშვილის საცხოვრებელ სახლთან, მოსაშვილის 10-ში, სადაც თავდაცვის ყოფილი მინისტრის ბაჩო ახალაიას მხარდამჭერები აქციას მართავდნენ, ფიზიკური დაპირისპირების შემდეგ პოლიციამ აქციის 7 მონაწილე, მათ შორის ტაბულას ფოტორეპორტიორი ალექსანდრე გიორგაძე დააკავა.
