პრემიერ-მინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე და საგარეო საქმეთა მინისტრის პირველი მოადგილე დავით ზალკალიანი რუსეთსა და ოკუპირებულ აფხაზეთს შორის ,,მოკავშირეობისა და ინტეგრაციის შესახებ" შეთანხმების პროექტთან დაკავშირებით დიპლომატებს შეხვდებიან. როგორც ,,ჯი-ეიჩ-ენს" საგარეო უწყებიდან აცნობეს შეხვედრა დიპკორპუსთან საგარეო საქმეთა სამინისტროში 14:00 საათზე შედგება.
შეგახსენებთ, რომ აფხაზეთის დეფაქტო პარლამენტში რუსეთსა და აფხაზეთს შორის "მოკავშირეობისა და ინტეგრაციის" შესახებ შეთანხმების კანონპროექტს განიხილავენ, რომელიც გაერთიანებული ჯარების შექმნას ითვალისწინებს.
