„ერთიანი ნაციონალური მოძრაობის" წევრი გოგა ხაჩიძე შინაგან საქმეთა სამინისტროს ორმაგი სტანდარტებით მუშაობაში ადანაშაულებს. საპარლამენტო უმცირესობის დეპუტატმა ჟურნალისტებს ვიდეომასალა წარადგინა, რომელზეც ასახულია გუშინ გვიან ღამით, „ელ დეპოში" მომხდარი დაპირისპირება.
ხაჩიძის თქმით კადრებში კარგად ჩანს, თუ როგორ აპატიმრებს პოლიცია ჩხუბში მონაწილე მხოლოდ ერთ მხარეს, მეორე კი საკუთარი მანქანით ისე ტოვებს ტერიტორიას, რომ სამართალდამცავები მას წინააღმდეგობას არ უწევენ.
გოგა ხაჩიძე შინაგან საქმეთა სამინისტროსგან იმ პირის იდენტიფიცირებას მოითხოვს, რომელმაც ჩხუბის შემდეგ შემთხვევის ადგილი დატოვა.
გარდა ამისა ხაჩიძე კონფლიქტის კანონის დაცვით გამოძიების აუცილებლობაზე საუბრობს.
,,ნუ დაუნგრევთ პატრულს და პოლიციას იმ ღირსებას რომლითაც ასე ამაყობდნენ წლების განმავლობაში. მოვითხოვთ, შსს-გან და შსს ჭიკაიძისგან იდენტიფიცირებული იქნეს ეს ადამიანი, რომელიც ისედაც ჩანს და კანონის შესაბამისად თანაბრად, სამართტლიანად იქნეს აღნიშნული კონფლიქტი გამოძიებული", _განაცახდა ხაჩიძემ.
შეგახსენებთ, რომ დაპირისპირება მხარეებს შორის ვაჟა-ფშაველაზე მოხდა. გოგა ხაჩიძის მიერ გავრცელებული ინფორმაციით შემთხვევის ადგილზე საპატრულო პოლიციის 10-მდე ეკიპაჟი იყო მობილიზებული.