აუდიტის სამსახურის შემმოწმებელი საპარლამენტო კომისიის უფლებამოსილებები იცვლება. აღნიშნულ ცვლილებებზე, რომელიც „სახელმწიფო აუდიტის სამსახურის შესახებ" საქართველოს კანონში შედის, საფინანსო-საბიუჯეტო კომიტეტის სხდომაზე იმსჯელებენ.
წარმოდგენილი ცვლილებების მიზანია სახელმწიფო აუდიტის სამსახურის შემმოწმებელი საპარლამენტო კომისიის უფლებამოსილებების დაზუსტება და შემოწმების პერიოდის ოპტიმიზაცია.
კანონპროექტით - საქართველოს პარლამენტის გადაწყვეტილებით შექნილი კომისია, სახელმწიფო აუდიტის სამსახურის მსგავსად, განახორციელებს სამსახურის ფინანსურ აუდიტს, ნაცვლად საფინანსო-ეკონომიკური, სამართლებრივი და ორგანიზაციული საქმიანობის, აუდიტის ხარისხის კონტროლისა და შიდა კონტროლის პროცედურების შემოწმებისა. რეგლამენტის პროექტით - იცვლება სახელმწიფო აუდიტის სამსახურის ყოველწლიური საქმიანობის შემმოწმებელი საპარლამენტო კომისიის შექმნის ვადა და იგი 1 დეკემბრის ნაცვლად, იქნება არაუგვიანეს 1 მარტისა.
