დერჟინსკი და ეჟოვიც კი ვერ მოიფიქრებდა ისეთ ზნედაცემულ ტყუილს, რომელიც დღეს იკადრა პრემიერმა ღარიბაშვილმა,- ასე გამოეხმაურა "ერთიანი ნაციონალური მოძრაობის" წევრი ნუგზარ წიკლაური იოსებ გიორხელიუძის გატაცების საქმეზე ირაკლი ღრიბაშვილის განცხადებას, პარტიის ცენტრალურ ოფისში გამართულ საგანგებო ბრიფინგზე.
უმცირსობა ხელისუფლებას ბარბარე რაფალიანცის საქმეს ახსენებს და საქმეზე საპარლამენტო კომისიის შექმნას ითხოვს.
"მისი ეს განცხადება მიუთითებს, რომ მთავრობამ მთლიანად დაკარგა კონტროლი ქვეყანაში მიმდინარე პოლიტიკურ პროცესებზე და პოლიტიკური ოპონენტების განადგურების მიზნით, არ ერიდება არანაირ სიბინძურს და ცილისწამებას. ღარიბაშვილის ყოვლად უპასუხისმგებლო განცხადება ააშკარავებს იმ უუნარობას, რაც სუფევს მმართველ პოლიტიკურ გუნდში, რაც შემდგომში აუცილებლად გადაიზრდება მძიმე პოლიტიკურ კრიზისსში. როგორც ჩნს, მთვრობაში მიღებულია გადაწყვეტილება, რომ ეკონომიკური წარუმატებლობები, შეუსრულებელი დაპირებები, უმუშევრობის და კრიმინალის ზრდა გადაფაროს უსაფუძვლო ბრალდებებით პოლიტიკურ მოწინააღმდეგის მიმართ.
მოვუწოდებით ხელისუფლბას შეწყვიტოსსაზოგადოების გახლეჩის და დაპირისპირების დამღუპველი პრაქტიკა. მოვითხოვთ, ყველა მნიშვნელოვანი თემა, რომელიუც არსებობს საზოგადოებაში, პირუთვნელად და დეტალურად იქნას გამოლძიებული. ჩვენ მოვუწოდებთ მთავრობას, ამ ფაქტთან დაკავშირებით, შეიქმნას ერთობლივი საპარლამენტო კომისიაკომისია", -განაცხადა წიკლაურმა.
შეგახსენებთ, 19 წლის იოსებ გიორხელიუძის გატაცებასათან დაკავშირებით პრემიერ-მინისტრმა განაცხადა, რომ ესარის „ნაციონალური მოძრაობის" ხელწერა, თუმცა ამის დადგენას გამოძიება სჭირდება.