ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ალექსი პეტრიაშვილი პოლონეთში, ქ ვარშავაში გაემგზავრა, სადაც მონაწილეობას მიიღებს ნატო-ს საპარლამენტო ასამბლეის მიერ ორგანიზებულ როუზ-როსის 87-ე სემინარის (87-th ROSE-ROTH Seminar) მუშაობაში. სემინარის მთავარი თემაა „აღმოსავლეთ ევროპა: პოლიტიკური და უსაფრთხოების ახალი გამოწვევები"(Eastern Europe: New Political and Security Challenges). როგორც ,,ჯი-ეიჩ-ენს" სახელმწიფო მინისტრის აპარატიდან აცნობეს პეტრიაშვილის მონაწილეობას მიიღებს სემინარის სესიაში: "საქართველო: დემოკრატიის კონსოლიდაცია და წინსვლა ევრო-ატლანტიკური ინტეგრაციის პროცესში".
ალექსი პეტრიაშვილი სიტყვით მიმართავს სემინარის მონაწილეებს და შემდეგ მონაწილეობას მიიღებს დისკუსიაში.
პოლონეთში სამუშაო ვიზიტის ფარგლებში სახელმწიფო მინისტრს, ასევე, დაგეგმილი აქვს ორმხრივი შეხვედრები პოლონეთის აღმასრულებელი და საკანონმდებლო ხელისუფლების წარმომადგენლებთან.
