7 ოქტომბერს IDFI-მ გამოაქვეყნა სტატია, სადაც საუბარი იყო ბოლო პერიოდში საქართველოში სავიზო რეჟიმის გამკაცრების მიზეზებზე. ორგანიზაციამ ხაზი გაუსვა, რომ საიმიგრაციო პოლიტიკის რეფორმა საჭირო იყო, თუმცა სავიზო რეჟიმის გამკაცრება აუცილებელი არ იყო. სსიპ "სახელმწიფო სერვისების განვითარების სააგენტო" გამოეხმაურა IDFI-ს მიერ მომზადებულ სტატიას.
IDFI-მ მოამზადა პასუხი სახელმწიფო სერვისების განვითარების სააგენტოს წერილზე, სადაც აღნიშნავს, რომ ევროკავშირთან დაახლოვებული ურთიერთობები ქმნის საიმიგრაციო პოლიტიკის რეფორმირების საჭიროებას. პასუხში წერია: „საფუძველს მოკლებულია სსიპ "სახელმწიფოსერვისების განვითარების სააგენტოს" მითითება იმაზე, რომ ინსტიტუტი უარყოფს კონკრეტული რეფორმის ჩატარების აუცილებლობის კავშირს ვიზა ლიბერალიზაციის პროცესთან. კიდევ ერთხელ აღვნიშნავთ, რომ ევროკავშირთან დაახლოებული ურთიერთობების ფონზე უდავოდ მნიშვნელოვანია ჩატარდეს საიმიგრაციო პოლიტიკის რეფორმა საქართველოში, თუმცა ეს პროცესი გამკაცრების გარეშე უნდა წარიმართოს."
მასალის გამოყენების პირობები
